حوزہ نیوز ایجنسی کے مطابق، حجت الاسلام اشفاق وحیدی نے ماہ رمضان کی آمد پر نماز جمعہ کے خطبے میں اظہار خیال کرتے ہوئے کہا: رمضان المبارک کا آخری جمعہ امام خمینی رح کے فرمان کے مطابق اسرائیل کا ناجائز اور غیر قانوں بیت المقدس پر قبضے کے خلاف آواز بلند کرنا اور مظلوم فلسطینی عوام کے حق میں اور ان کی مدد کے لیے آواز بلند کرنے کا حکم دیا ہے تاکہ عالم اسلام میں اپنے حقوق کی حصولی اور بیت المقدس کو آزاد کرانے شعور پیدا ہو سکے ۔
انہوں نے کہا: روزہ احساس کا نام ہے جب انسان روزہ رکھتا ہے تو اس میں غریبوں اور محروموں کا احساس پیدا ھوتا ہے یہ روزہ کی قبولیت کی نشانی ہے
حجت الاسلام اشفاق وحیدی نے کہا: دور حاضر میں استعمار سے بیزاری اور عوام کو ان کے ہتھکنڈوں سے آگاہی دینا بہت ضروری ہے تاکہ عالم اسلام کے حکمران اپنے دشمن کو پہچان سکیں۔
انہوں نے مزید کہا: اقوام متحدہ تمام مذاہب کے مقدسات کی آزادی اور ان کے احترام کے لیے اقدامات کرے اور اسرائیل سے قبلہ اوّل کی آزادی کے لیے جدوجہد کرے۔
